1 лістапада 2007 г. фальклорна-этнаграфічны гурт "Багач" (кір. – д.ф.н. І.В. Казакова) вітаў на пленарным пасяджэнні ўдзельнікаў VIII Міжнароднай навуковай канферэнцыі "Славянскія літаратуры ў кантэксце сусветнай", прысвечанай 125-годдзю са дня нараджэння Янкі Купалы і Якуба Коласа. Удзельнікі канферэнцыі таксама наведалі кабінет-музей.

11 кастрычніка 2007 г. гурт "Багач" прыняў удзел у праграме "Дыялогі пра фальклор" (радыё "Культура").

7 кастрычніка 2007 г. адбылася творчая сустрэча тэатральнай студыі (мастацкі кіраўнік -- д.ф.н. І.В. Казакова) з акцёрамі Нацыянальнага акадэмічнага тэатра імя Я. Купалы : Марыяй Захарэвіч (Альжбэта), Юліяй Міхневіч (Паўлінка), Мікалаем Прылуцкім (Якім Сарока). У творчых планах "Летуценніка" -- пастаноўка "Паўлінкі".

2 кастрычніка 2007 г. прайшоў майстар-клас "Беларуская народная песня" (кіраўнік – Н. Матыліцкая).

14 чэрвеня 2007 г. кабінет-музей наведалі пераможцы 13-й алімпіяды па беларускай мове, якая праходзіла ў гэтым годзе ў Польшчы.

31 мая 2007 г. у кабінеце-музеі прайшло адкрыццё выставы "Ау, мода!" (31.05.–06.06.). На выставе былі прадстаўлены жаночыя аксесуары ручной работы, створаныя ў розных тэхніках. Свае работы прадстаўлялі члены Cаюза майстроў народнай творчасці (Шабуня А. Ф.) і Cупрацоўніцтва дзелавых і творчых жанчын Беларусі (Мікаэлян Т.В., Цярэнцьева Ю.М., Платунова С.М., Духан М.Ц., Манахава Л.М.): упрыгожанні, выкананыя ў тэхніцы бісерапляцення, і з натуральных матэрыялаў (скуры, камянёў, саломкі), карункавыя каўняры і вязаныя кручком шалі, саламяныя капялюшыкі і шапачкі, вырабленыя ў тэхніках фрывалітэ і patch-work, а таксама наведвальнікі выставы маглі ўбачыць цікавую калекцыю заўсёды модных веераў.